بديت بخالقي

بديت بخالقي رب البرايا

عظيم الملك غفاّر الخطايا

دعيتك ياالاهي طول ليلي

وانخت لرحمتك كل المطايا

الا يالله تغفر لي ذنوبي

وتزيل الهم من عوج الحنايا

رجيتك يااله الكون عفوك

وترحمني ليا صرنا عرايا

ولا يا هاجسي لا لا تأخر

نخيتك ياعسى تسمع ندايا

معودني على قول الجزاله

ولاغيرك أحد يذهب عنايا

تعاوني على شخصٍ تكلم

وادون ردي بكامل قوايا !

على منهوعلى حده تطاول

وتشدق حول اشعارالصبايا !!

يدور شهرته على كلامه

وتورط بعدها شين الحلايا !!

الا ياسامعٍ قولي توقف

واخذ ردي ولا تبحث خفايا !!

قصايدنا من عصورٍ توالت

ولحد اليوم طالعها بقايا

ولا به عيب لو فيها تغزل !!

ترى الأحساس في المرأه خلايا !!

أقوله واستمع قولي وعلمي

ولا اهتميت في قول الوشايا

وليامن بدعت القاف جبته

سوات العد يسقي له ضمايا

كتبت الشعر انا من صغر سني

وصخرته على كل القضايا

ولا اهتميت في ناسٍ ضعيفه

خبيثة عقل وقلوب ونوايا

ليا منهم لقوا للخبث فرصه

تشوف افواههم تزبد رغايا !!

ولامن ردت انساب وعشاير

فانا ربعي مطانيخ السرايا

رجال العز واهل الطيب كله

الا ضاقت ذكرت انهم ورايا

((دواسر )) لا اعتزو بااولاد زايد

يطيح الخصم وعظامه شظايا !!

الا حان الخطر يوم الهوايل

ترامو من على حوض المنايا

ولاانقص من شان القبايل

وكل فيه من طيبه مزايا

وختام القول من يبغا خطامه

ينوش اليوم اشعار الصبايا !!