ياحلوه

ياحلوه

طول عمري

تلميذ ف كُتّابك

عايش

ومن صغري

واقف على بابك

مستني

يوم اسمع

كلمه تطمني

ياحلوه

ليه ازرع

ورده على ورده

اجنيها شوك

ورصاص

من غدر أحبابك

أنده لمين

يكتب

لو حرف ف كتابك

ياحلوه

ليّا الأمل

والحلم لو بلّور

وان قلت يوم

هبعد

مين ليا غيرك نور

يا إما أموت ع الباب

يا إما أعيش مخمور

وازاي تقولي ابعد

احنا افترقنا زمان

لما انتي خنتي العهد

لما سابقت الريح

وكان الجناح مكسور

لاعمري

قلت المدى

تايه بعيد عنّي

مش لاقي خيط للنور

لكن ف دنيتنا

أسمع عن الكرباج

داوى نزيف الجرح

وصلّح المكسور

ياحلوه

لو ع القدر

هوّ القدر مكتوب

لكن

انتي أرضك قفص

وسجن للعصفور

دا الأمن واقف صف

لابس بِدَل كستور

وادي طابور العمر

وكل شيئ محدود

لو مره جيت تبعد

واحد يقول

ف الصف

وواحد

يقول بالدور

ياعم

فين الصف

ومين

عليه الدور

آدي اللي بتمرد

لاعمره

داق اللضى

ولا مره

بات مستور

محمد عبد الرحمن شحاتة

ياحلوه

ياحلوه

ياحلوه :: تعاليق