الموضوع الثانى : اعضاء المنتدى اصدقاء

بناء على إن اغلب الاعضاء وافقوا على الموضوع الاول

اننا اصحاب واكتر من اخوات

اذا لازم نعرف بعض اكثر

عن طريق كل واحد يعرف نفسه على النحو التالى

الاسم : وائل السيد عبد الوهاب
الكليه : مودرن اكاديمى تجارة
العمر : 20
البلد : المنصوره ( الستامونى )

التعريف ده ليس اجبارى على البنات ولكن اجبارى على الاولاد

هذا التعريف لكى نعرف بعض اكتر

فقط لا غير

دورى

أنا فراشه الربيع
أو لجين عمار

السن 16 سنه و4شهور و22 يوم باين

الكليه:_____
المدرسه:للأسف"بلقاس الثانويه بنات"

البلد:بلقاس

انا بقى حان دوري

محمد عبد الرحمن شحاته

راكب سفينة العمر وفي طريقي لل21 سنه

بس ياريت البنزين مايخلصش مني

كلية التجارة جامعة المنصورة . الفرقة الرابعة . يعني سنه رابعه يعني

وبالأكلاشيه " انتساب موجه " مدرج عساف وأفتخر

محاسب تحت التمرين . ورئيس نادي أدب الكلية . وطالع معاش آخر السنه من النادي.

وقاعد في شارع التوحيد . آخر شارع التوحيد . واللي عاوز يزورني انا موجود في البيت ماعدا يوم السبت والاحد والاتنين والتلات والاربع والخميس والجمعه . وباقي الايام موجود

اه بالحق نسيت

وكمان انا صديق المدير جداً جداً " مصطفى محمد" أو مصطفى عمار

اية دة
انتوا عايزينى اعرف نفسى
لييييييييية
هو مفيش حد يعرفنى

يا نهاااااااااااااااااااااار ابيض ملون

بقى على اخر الزمن اعرف نفسى
مدير اونطة انا يعنى
على العموم انا هكتبلكوا السى فى بتاعى
علشان لو حد لقى وظيفة ولا حاجة
اصل بصراحة شغلة المدير دى
معدتش بتأكل عيش

الاسم : مصطفى محمد
طبعا تجارة المنصورة بلا فشر
استاذ ورئيس قسم البتنجان فى المنطقة
حاجز اول كرسى فى قهوة شنفوط للبطالة

ممكن اشتغل اى حاجة
ختى لو فى واحد عايزينى اشتغلة
ومالة
اشتغلة برضة

الباقى بقى انتوا عارفين
اى وظيفة بقى
وظيفة قليلة تمنع بلاوى كتيرة

انا بيور جيرل
او (امل)
وطبعا بكالوريوس تجارة
وكنت بشتغل محاسبه
وحاليا الحمد لله بطاله مقنعه
لحد ماربنا يسهل ونشوف شغل جديد
وقريب جدا هكمل23 سنه
وطبعا انا من اجا -المنصورة

هدايه الروح

بكالوريوس تجاره شعبه محاسبه 2008

السن 23 سنه وشهر

لاأعمل طبعا
بس منتظره الوظيفه جايه في الطريق
باينها بتريح في الطريق شويه
بس هتيجي ان شاء الله قريب اوي
وساعتها بقى عازمه اعضاء المنتدى كلهم وطلباتكم كلها مجابه

بلدي

بلقاس _ المنصوره
بلا فخر يعني

*******

مش تقولوا من البدايه أنه تعريف كامل

خلاص أنا هكمل دورى بقه
بس متخفوش مش هقلب على الدور التانى
كفايه واحد بس

باقى التعريف:
مشرفه فى منتدى ماشى "أو واقف حاليا"

مديره منتدى هس وبس"وبرده واقف حاليا لظروف الدراسه والثانويه العاميه"

أمين مساعد أتحاد المدرسه

حصلت على المركز التانى على مستوى الجمهوريه فى البرلمان المدرسى والمناظرات"طبعا أنا ومجموعه مش لوحدى"

اخدت المركز الاول السنه إلى فاتت على مستوى الفصل
ده غير أن فصلى أخد بناء على شهاده المدرسين والمدير لقب"أزبل فصل"
ومكنش فى مدرسين بيرضوا يدخلولنا

وأخيرا أحد خريجى مدرسه البشائر

بس كده

أى خدعه..

العنوان : جاره القمر
(اميره الاندلس يعنى )

إيه يا سمكتى ده إنتى ساكنه معايا ليه خلاص الفوضى وصلت للدرجه دى

*****

طبعا يا وائل موضوع جميل علشان بيعرفنا علي بعض وبيقربنا أكتر

تسلم عليه


ومستنين الموضوع التالت والرابع والخامس

معاك لحد العاشر

طيب ممكن اطلب طلب

بعض الاقتراحات عن المواضيع التاليه

وانا اعملها فورا

كا نوع من الحريه

مع بعض