محكمة ماشى الدولية

دلوقتى زى ما احنا عارفين

الجرائم التى ارتكبها moszone فى الجمهورية

هو احنا لسة ممسكناش علية حاجة بس احنا خدناة وخلاص

رهن الاعتقال

وعلشان منظلموش هنسألة شوية اسئلة
وهو يجاوب عليهم
يالا عاوزين اسئلة جامدة كدة

وطبعا عارفين الدستور بتاعنا
والوسائل المساعدة هى


الوسيلة الاولى : الاستعانة بمحامي
يختار العضو الموجود بالمحاكمة عضو ليرد على سؤال عنه تستعمل (2) مرتين.
الوسيلة الثانية : أنا أعترض
بإمكان العضو الموجود بالمحاكمة الاعتراض على أي سؤال وعدم الاجابة عليه تستعمل 3 مرات بس
وربنا يسهل جايز ياخد برأة

ربنا يخليك يا محمد نتيجة مبشره بكل خير ان شاء الله

يلا يامصطفى انت اللى عليك الدور فى الاسئله

بس بسرعه لانى مسافر بكره

اهلا باخر ترم فى التعليم

اة
جيت للى لما يزعل يطلع اسئلة سخنة

واحد
ما هو طولك ووزنك؟؟
جايز نلقيلك عروسة

2
بعد عشر سنين ...شايف وائل ازاى؟؟
ومتقوليش فى المرآه

3
بعيد عن الحزب الوطنى
ترشح مين فى الانتخابات ؟؟
جمال مبارك
محمد البردعى
عمرو موسى
حمدين صباحى
درش باشا (انا يعنى)

متخفش .. قول اللى فى نفسك .. المنتدى مش متراقب

4
من يستحق لأدارة المنتدى
انا

ولا حد تانى

لا تخف انت فى جمهورية ديمكتاتورية

5
من هو مفجر الثورة الحديثة


6
اية رايك فى البنات
ومليش دعوة باللى هبحصلك

جاوب يا حلو

اة
جيت للى لما يزعل يطلع اسئلة سخنة
طيب حاسب لا تلسع

واحد

ما هو طولك ووزنك؟؟
طولى 187 ووزنى زايد شويه عن الوزن المناسب بشويه بس ربنا يسهلها ويرجع لوزن المناسب

جايز نلقيلك عروسة
ليه انت شوفت لنفسك الاول

2
بعد عشر سنين ...شايف وائل ازاى؟؟
ومتقوليش فى المرآه
مش هقولك فى المراَه بس ممكن اقولك الصوره لسه مش واضحه بعد ست شهور اقدر اقولك ان شاء الله لان بفكر فى حاجتين
بس الحاجتين مرتبطين بنهاية الدراسه
الاولى : انى اذا ربنا سهلها معايا انا و انى اتعين معيد باذن الله يعنى
الثانيه : انى ان شاء الله اتدرب فى شركه لمده سنتين وبعدين اعمل مشروع خاص ان شاء الله

3
بعيد عن الحزب الوطنى
ترشح مين فى الانتخابات ؟؟
جمال مبارك

درش باشا (انا يعنى)

متخفش .. قول اللى فى نفسك .. المنتدى مش متراقب


4
من يستحق لأدارة المنتدى
انت ومحمد وممكن حد من البنات


ولا حد تانى
انت بتشك فى قدراتك ولا ايه


لا تخف انت فى جمهورية ديمكتاتورية
ما انا عارف

5
من هو مفجر الثورة الحديثة
انت
بس فى غششنى وقالى انه جيمى

6
اية رايك فى البنات
راى فى البنات ان البنات بجد شئ رائع بس بشروط وان كل ولد محترم بيتمنى بنت محترمه زايه تفهمه وتقدره وطبعا اهم حاجه بنهم هى الحب والتفاهم وبجد البنات ليهم مميزات بس العيوب اكتر بس لازم يستغلوا المميزات دى وانا عن نفسى نفسى لما اتجوز اخلف بنوته حلوه
بيقت راى موجود فى كتاب مصطفى سوسه مصر لانى اتفق معه فى تعبيره عن البنات

بس ياريت البنات متزعلش منى بس العيوب موجوده انتو اكيد عرفنها ( بس ميش فى كل البنات )

ومليش دعوة باللى هبحصلك
ربنا معايا ان شاء الله وبعدين انت صاحبى هتسبنى وتجرى ولا ايه

جاوب يا حلو
جاوبت يا سى العسل

مش كل البنات كده

في بنات عندها عقل متفتح جدا وتدين وأخلاق ما شاء الله عليها

وزى مافي الحلو في الوحش

وبعدين سوسة مصر

معبره عن نوعيات من البنات مش بنشوفهم إلا في الجامعه

عند تجاره وحقوق بالتحديد

ناس رايقه خالص

بس لو حد عاوز يشتم في البنات بليز حد يدينى خبر الأول

علشان أخد بالي بس

والبنات أجدع ناس