نقابة المخللات..تخليل سياسى جديد

السلام عليكم

أنا قولت اكتب تحليل سياسي عن اللي بيحصل من حوالينا
بس الظاهر انة هيبقى تخليل سياسي


انتم عرفتم طبعا إن إسرائيل..وقفت إطلاق النار...ودة طبعا علشان رئيسنا
قالهم ...وقفوا إطلاق النار
يااسرائيل..فسمعت الكلام على طول...مع انها مبصتش لاى حد تانى.ولا كلام
مجلس الامن
والامم المتحددة ...ولا العرب...مسمعتش غير كلام رئيسنا...ربنا
يخللهولنا


واليكم مواقف بعض الزعماء..فى هذة الحرب


1-الرئيس محمد حسنى مبارك(مصر)

طبعا الرئيس بتاعنا اول من بدأ فى حل قضية غزة...قبل ما تبدأ..وعشان
كدة الريس قال..على كلام وزير الخارجية بتاعنا لما لقا ان وزيرة الخارجية نيتها مش
سالكة...قال"هاتولى الست دى ام اشوف هى ناوية على اية"وجت الست...بس
الظاهر ان الريس ملحقش يعرف هى كانت ناوية على اية...لانها كانت مستعجلة ...فقالت
تروح بدرى قبل الضرب...علشان تحضر الضرب من أولة
الريس لما عرف كدة...طبعا زعل ودة اللى خلاة يطلع ويعمل خطاب...للناس كلها..وقال
فى الخطاب"ان الاحتلال الى زوال...وان القضية الفلسطينية دائمة
لاتموت"يعنى القضية الفلسطينة مش هتموت..لانها لو ماتت
مش هنلاقى قضايا تانية نشغل دماغتا بيها...فعلشان كدة الريس...مش عايز
القضية الفلسطينية تخلص...ماعلينا
بس هو قال كلمة حلوة برضة.."الاحتلا الى زوال"مع انة محددش
احتلا اسرائيل لفلسطين...ولا احتلال فلسطين لاسرائل..كل واحد بقى من وجهة نظرة
اللى شايفها

2-الملك عبدالله بن عبدالعزيز(السعودية) ...................................................................
.................................................
(اكمل بأى شئ قالة الملك...وابقى قبلنى لو لقيت كلمة)


3-الرئيس أحمدى نجاد(أيران)

أحسن واحد يتكلم ...ويشور...فهو افتكر نفسة هو فارس الامة الاسلامية
الوقتى..وهو القائد اللى بيسعى لحل مشاكل الشرق الاوسط....بس هو تعب معانا
الصراحة...جة قطر وكلف نفسة ...تمن التذكرة ودنيا.
دا غير انة طلع يهزء...شوية فى ملك السعودية...انا معاة..بس مش اى حد
كدة يطلع يهزئنا

4-حسن نصر الله (دولة الزعيق)

احسن واحد يطلع ويزعق ...ويتكلم ويقول...انا هضرب انا هضرب...ومحدش شاف
منة صاروخ بلاستبك حتى
اكبر بق فى الوطن العربى...كل شوية نططلك فى الشاشة...وقاعد
يقولك" ان احنا هنضرب..واحنا هنعمل
ولا حد شاف ولا سمع حاجة...عنة

العالم الكفرة بقة

5-اولمرت:

بيعتذر عن مقتل 1500 واحد..وجرح 6000 واحد عن طريق الغلط
مش عارف هو اعمى ولا حاجة...7500 واحد غلط...عمل زى واحد ضرب واحد90
قلم على سهوة
دا طبعا غير المساجد والبيوت والمدرسة والمستشفيات..برضة عن طريق
الغلط...
6-أجتماع النسوان
الست لفنى..مع كازوزا رايس...راحت للكازوزة امريكا..علشان
تقولها...والنبى لتخلى حماس تبطل تضرب صواريخ....ومعدش حد يودلها اسلحة...مش عارفة ان الكازوزة...متعرفش تعملها حاجة...بس اهم
حاجة انها سنجتها وقلتلها...متعيطيش "احنا هنخليهم معادش يروحلهم اسلحة"

كفاية كدة...تخليل سياسى
قام بالتخليل....مصطفى محمد

أذا اردت اى مخللات أخرى...أتصل بنا على رقم09000009000900
أبقى قبلنى لو حد رد عليك

بجد تخليل سياسى
جميل

بس ممكن اعرف اية اللى جمع المخلل مع السياسة

لا جميل اوى التوبيك دة

والمخلل اللى فية