الانسان اصلة ورقة

من طرف **Darsh Basha** السبت 7 مارس - 3:36

الانسان اصلة ورقة

اختلف العلماء والجهلاء واللى مبيفهموش حاجة على اصل الانسان...ومفيش حد رسى على حاجة واحدة
واحد قالك ان الانسان اصلة قرد..ودة حاجة ترجعلة ..كل واحد حر اصلة قرد اصلة معزة ملناش احنا دعوة
وواحد قال ان الانسان أصلة جلدة حنفية ...عادى برضة جلدة جلدة...كل واحد حر
احنا فى عصر الحريات ...عصر البتنجان والطاطس..ورغيف العيش

كل دة لحد ما ظهر العالم الجليل المحترم المبجل اللى هو انا طبعا...(من غير فشخرة طبعا)
الى الوصول الى هذة الطفرة اللى هتغير العالم...الاكتشاف الرهيب بتاعى إن

===الانسان اصلة ورقة===

وطبعا الكلام دة مش كلام وبس ..دة كلام بأدلة وبراهين ..وبعد علم وافى..ودراسة ملهاش حل
دراسة دامت حوالى 5 دقائق بحالهم ....طبعا انتم حاسين مدى المعاناة..اللى انا عانتها ..فى اكتشاف الموضوع
المهم...بقى ندخل فى الموضوع..يالا ادخلوا برجليكم اليمين

الدليل الاول
طبعا انت دلوقتى عارف ان انت لو جتلى وقولتلى ان انت عايش..فى الحياة ..مصدقكش ..
الا لو لقيت معاك...شهادة ميلاد..او اثبات وجود فى المجتمع زى البطاقة...
يعنى انت لو طلعتلك شهادة وفاة ...وانت عايش...اصدقك ..ولا اصدق الورقة
طبعا اصدق الورقة ...يبقى انت بقيت مجرد ورقة

الدليل الثانى
انت لو اخدت كلية والشهادة بتاعتك اتحرقت ..انت ليك لزمة...ولا ليك اى لزمة
حتى لو عملت عمل وعلقتة فى رجل جمل
او حتى احسن واحد تعرف اى حاجة فى اى مجال...بدل معاكش ورقة تثبت انك بنعرف ..ملكش لزمة برضة

الدليل الثالث
اعمل اى حاجة من غير ورق ..يبقى ملكش لزمة...مينفعش تتجوز من غير ورق
مينفعش تطلق من غير ورق...مينفعش تتلكم من غير ورق..مينفعش مينفعش

كفاية كدة ادلة وبراهين...يبقى هنوصل للأستنتاج النهائى
أن انت ورقة

كما قال فيكارت"انا ورقة اذن انا موجود"

وطبعا اول من شجع الموضوع دة فؤاد المهندس الله يرحمة..لما طلع على البرج وقعد يقول
انا ورقة ..انا ورقة ...ودة طبعا قبل الاثباتات اللى انا عاملها

وطبعا انتم عارفين المثل المعروف اللى محدش يعرفة
"لو لم اكن ورقة لوددت ان اكون كشكولا"

يبقى صحيح الإنسان أصله ورقه ولكن يختلف الورق بإختلاف الناس ف يوجد الورق الردئ والورق السوبر كما يوجد إنسان ردئ وإنسان سوبر ومين عارف هيتضح إن الأنسان أصله أه بعد كده
مشكور على الموضوع جميل جداً
fasel

طبعا الموضوع جميل محدش يقدر يقول غير كده
مادام ذكرت فيه حبيب قلبي المهندس
وفعلا الإنسان بياخدقدره بالشهاده إيلى معاه حتى لوجابيها
بالغش
وبعدين بعد الإختراع ده طبيعى هيمنعوا الإستحمام لإن كده
الناس هتبوش
وحاجه ليك إنت هو اسمه ديكارت مش فيكارت
وحكمته الشهيره هى
أنا أشك إذا أنا دبوس

من طرف **Darsh Basha** السبت 7 مارس - 18:39

الشاعر
فعلا ياشاعر الورق بيختلف
فى ورق بردى برضة

أميرة الاندلس
حلوة حكاية الاستحمام دى ...انا قولتلك انة هيغير الدنيا
فيكارت هو اللى قال المقولة بتاعة الورقة
اما ديكارت فهو قال انا اشك
اما بالنسبة لحكاية الدبوس فاللى قايلة ابرة

وشكرا على ردكم جميعا

جميلة أوي النظرية دي وواضح ان حضرتك تعبت عشان توصلها
وبعد كده كل واحد فينا يعمل نظرية عن الانسان أصله ايه
أصل الموضوع يا جماعة بأه مشكلة خطيرة في مجتمعنا
وكمان يجب أن لا نتجاهل صاحب نظرية أنا أشك اذا أنا دبوس
مشكوور على الموضوع